食軟雪糕～雪糕～雪糕～夏日熱辣辣就梗係食返杯凍冰冰雪糕消暑㗎啦！雖然而家啲雪糕愈出愈多新口味，好似紫薯味呀、腐竹糖水味呀咁，不過毛毛最鍾意嘅始終都係最原始嘅雲呢拿味！

咦喂，點解呢杯雲呢拿新地啲雪糕唔到底嘅？唔好以為毛毛丁得多眼殘就睇唔到你偷功減料先得㗎，你咁樣欺騙毛毛感情，信唔信毛毛去銷毀會告9你吖嗱？

表面上，佢一本杯雲呢拿新地，但事實上……佢係一條寵物蛇蛇嚟㗎！

睇下佢幾乖豬～不過計毛毛話，做戲做全套，要扮雲呢拿新地就梗係咁樣樣扮先神似㗎啦：

btw溫提，唔識爬說嘴嘅朋友仔千祈唔好亂學呀，如果唔係陣間畀蛇蛇咬親or你整傷蛇蛇就唔好啦，知冇？

圖片及資料來源：k_t903／twitter