有養狗狗嘅朋友都知道，佢哋對食物嘅反應係幾敏感！唔好以為佢哋合埋眼仔瞓緊覺覺豬就會聽唔到你偷偷地開薯片嘅聲，或者以為匿喺房食杯麵佢哋就會聞唔到呀！其實佢哋好可能喺門口一直睥緊你，同你手上嘅食物！

有個養咗8隻雪橇加一隻爸爸狗嘅網民最近post咗條片，話佢沖沖下涼，8隻雪橇大軍竟然出盡奶力咁喺廁所門度百葉窗裝嚟裝去，最後仲成功衝爛埋度門……

唔通班汪星人以為主人匿喺廁所偷偷地自私食好嘢，所以咁緊張衝入去想食埋一份？！

雪橇大軍表示：主人！唔好咁睇唔開偷偷地食sss呀！我哋咩都聞到晒喇！就算幾臭我哋都會嚟救你㗎！汪汪！

其實狗狗咁緊張想衝入廁所搵主人，只得一個原因，就係愛佢囉。主人嘅世界好大，有屋企人、朋友、愛人……而狗狗眼中，就只有主人一個。放假有時間，多啲陪下佢哋啦，可能寵物只佔你多姿多彩嘅生活其中一部份，但你就係佢哋生命嘅全部㗎喇。

封面圖片、資料來源連結：大鍋只是喝醉耶／秒拍