呢個世界上有三種人好難捉摸，分別係你腦細、你個客，同埋你女人（如有）。呢三種人永遠講嘢都一時一樣，好似經常處於一個唔知自己想要咩嘅狀態咁……吖，毛毛以為淨係人先咁難捉摸啦，點知原來連一個免費嘅叉電設備都好難捉摸㗎喎！

又話可以免費使用嘅？做咩呢頭話免費嗰頭又叫人畀十蚊呀？媽好亂呀……以毛毛9估，唔通免費係講緊個叉電設備，而用佢個locker就係要收10蚊？

其實是咁的，呢個叉電設備笨唔係想欺騙大家感情，佢係堅．免費嘅，叉完電佢就會退返錢㗎喇～可能佢寫得有少少唔清楚啦，所以咪搞到咁多網民誤會囉！

btw，講到真正睇唔透，又點同呢位診所嘅診症時間鬥呀！以上時間，不能作準？真係隔住個mon都feel到呢位網民有幾無奈……

圖片及資料來源：軒炫、Wong Sik Yan‎／屯門好生活 Tuen Mun Good Life