古代就話女仔人家一定要識針黹先嫁得出吖，但時代唔同喇，要搵到個斯斯文文嘅女仔都唔係咁易，更何況係識針黹嘅女仔呀？所以話，阿爸阿媽識得拎起支針幫我哋補爛衫、縫name tag，真係好偉大。

就好似呢位鐵漢柔情嘅好爸爸咁，為咗囡囡，放低一家之主嘅包袱，用粗粗嘅指頭拎起支針，幫佢縫返埋件不知所謂嘅穿窿衫！好地地一件件衫，個膊頭位無啦啦穿個窿，成何體統呀！縫返埋佢就啱喇，咁先係爸爸嘅乖乖女呀嘛～

類似嘅事，喺宇宙入面不斷咁發生，台灣有個乖女都有同樣遭遇呀。話說有日佢阿媽好興奮咁迫佢試著件tee睇下啱唔啱身，點知一著上身先知，原來阿媽覺得佢件tee個領太大，所以咪粒聲唔出幫佢縫咗幾針囉……

下，起角嘅喂……阿媽，你要強行幫我補衫都唔好咁過份吖……毛毛唔識針黹，不過都知應該喺件衫入面落針囉…… 不過阿媽永遠是對，一日最衰都係件衫！內外都一樣顏色，叫阿媽點分喎！而家咁咪仲好，肯定唔會同人撞衫呀乖女！

封面圖片、資料來源連結：PTT

順手睇埋：【係父愛呀】老竇！你做咩縫起我件露膊衫呀！