化妝品呀、護膚品呢啲嘢毛毛就唔係好識㗎喇，不過聽講最近喺網上面有隻洗面奶好似好受班妹豬歡迎，事關支嘢居然識開花呀！

係夢幻嘅，喺個頂度加個有玫瑰花花紋嘅蓋，一撳落去就會有朵玫瑰花洗面泡泡升上嚟，完全啱晒一班見花開眼嘅妹豬口味，個個見到都話這就是我們的白色珍珠，話要爭住買呀！

不過聽講而家香港仲未有得買住，不如睇下啲日本網友嘅用後感先啦！咦，呢個妹豬好似就係準備拍片介紹喎！

隻手chok一chok，撳一撳，一朵玫瑰花……咦咪住先，點解朵花嘅形狀好似怪怪哋咁嘅？嗱有片有真相：

Twitterで見た薔薇の形の泡洗顔見つけたので、家でやってみたら想定してたのと違くて笑ってしまった pic.twitter.com/Iq3Zm7EkIF

— 夕暮れ (@yuugrave) 2016年8月25日

媽為什麼不是我想像中的那樣嘅？說好的又浪漫又夢幻嘅玫瑰花呢？不過老老竇竇，其實呢碌嘢都幾有親切感吖，有啲似毛毛平時食開嘅……雪糕呀！話唔定可以吸引到另一班口味獨特嘅妹豬，又或者係仔仔，開拓新市場呢～Hehe～

圖片來源、資料來源：yuugrave／twitter、santsugaru／Instagram