Pokemon Go大大話話都已經登陸咗香港成個月，但係個gps仲係時得時唔得、啲小精靈成日走佬、毛毛仲未捉到啟暴龍……嬲到想插爆班小精靈？機會嚟喇，訓練員們！

係就係插，不過係插書籤呀！最近外國有間公司就推出咗呢款用寵物小精靈嘅屁股做設計嘅書籤，個pat仲要係立體?㗎！到時你想點插咪點插囉～

講開又講吖，其實毛毛都係第一次咁近望佢哋嘅patpat㗎咋！估唔到又有另一種萌感喎！見到呢個屁股大集合真係頂唔緊呀，嗚哇！

你話如果佢哋推出埋小霞呀、祖兒小姐同埋大木博士嘅版本，呢個世界會係幾咁美好呢～Hehe～

圖片來源、資料來源：mybookmark