話說有位日本網民，照計屋企就應該冇女人嘅，但佢一瞓醒嗰陣，竟然發現有件女人衫掛咗喺屋企？

話時話，七月十四先過咗冇幾耐咋喎，唔係咁L猛下話？定其實係聖誕老人同佢提早賀聖誕，見佢咁想要女女就送件女人衫畀佢聞住陣除先呢？

遠睇誇啦啦，近睇吹喇叭……當呢位網民滿心歡喜咁行埋去睇清楚嗰陣就發現，原來呢件所謂嘅女人衫只係一條毛巾同一對襪嚟咋！唉，都叫咗你幾廿歲人唔好咁多幻想㗎啦。

雖然呢位網民已經證實咗件女人衫只係幻覺嚟㗎啫，但由於佢呢個post已經被網民瘋傳嘅關係，竟然成功吸引到女女嘅注意，有女女仲話自己真係有件衫同呢位網民嘅「幻覺」好似?～

@tarou_ma FF外から失礼します
完 全 に 一 致 pic.twitter.com/PBaRiA5VcB

— 破壊神咲希 (@sakipeggio_39) 2016年8月24日

嘩，容乜易咁就成為咗一個愛情故事嘅誕生㗎？睇嚟毛毛都要跟呢位網民學下嘢先得。

圖片及資料來源：tarou_ma／twitter、sakipeggio_39／twitter