呢排有一個新興潮語，就算你有冇睇奧運都一定會聽講，就係「洪荒之力」喇！

原來唔止傅園慧識得用洪荒之力㗎，高手在民間呀嘛，唔少網民都一樣得到洪荒之力真傳㗎！就好似呢位仁兄咁呀，明明係剁芋頭，但就隔兜打砧板，劈到下面嚿原木砧板裂分兩半！仲犀利過摩西分紅海呀！

100円(福島県産野菜) vs 100円(中国産包丁)

世界よ、これがメイドインジャパンだ pic.twitter.com/iBKE1tQsbp

— ⋆｡˚✩☪雪凪✡｡:* (@ll_SeTuNa_ll) April 29, 2015

識得使出洪荒之力嘅，仲有佢！唔係揸刀煮飯個人呀，而係個椰菜呀！成把刀切落嚟都頂得住，仲將啲力反彈返畀把刀令佢斷刀片，仲唔係高手中嘅高高手？！

出盡洪荒之力，劈得爛嘢都好正常呀，不過唔使出力都可以輕易整爛嘢，先算真正嘅幕後高手呀。呢位台灣網民只係用匙羹輕輕攪幾下碗刨冰，個膠碗就晴天霹靂咁穿咗個大窿喇！毛毛以為要上微博先見到玻璃心，真係估唔到而家連膠碗都有顆易碎嘅玻璃心呀。

封面圖片、資料來源連結：Cytus／PTT、ll_SeTuNa_ll／twitter、dcard