P圖嚟講，毛毛以為得港女先會鍾意嘅啫！估唔到原來強國官媒都啱呢味㗎喎！

講緊嘅係新華社體育嘅twitter呀！話說前幾日佢哋出咗個post講日本女子排球選手木村紗織轉會嘅消息，仲話生得愈靚就搵得愈多錢咁喎！係，紗織bb靚都係眾所9知嘅事實，之不過，阿官媒你post張相好似同毛毛平時睇開嘅紗織bb有啲唔同咁嘅？

話咁快一切謎底就解開了！原來佢哋post嗰張相係P圖嚟㗎！紗織bb升球可能係好犀利，不過只限於係排球，肯肯定唔係升呢啲球囉！佢哋一出post之後亦都畀網民插爆要極速del po不特止，仲有人發現到原來呢個twitter不嬲都用開啲性感相嚟講體育消息㗎！

毛毛9估，可能佢哋以為睇肉即係體育，所以先會咁做嘅啫！而且波呢家嘢，有邊個麻甩佬唔鍾意睇吖……嗱毛毛講緊球類活動嗰啲波咋！不過又難得官媒咁誠實，仲大方到po上網話畀大家知佢哋鍾意睇波啫！

好似《人民日報》之前一篇講教師嘅文章都配咗日本AV女優青木麻奈嘅相啦！老老竇竇，其實呢班小日本女人可以上到官媒，簡直係榮幸嚟囉！

圖片來源、資料來源：Xinhua Sports/twitter、sixthtone