毛牌調查顯示，99％後生仔上得最多嘅網，除咗Facebook之外，就係Google喇！如果冇咗Google大神，點做paper，點畢業呀？！最近有網民發現，原來就算係同一個字，用英文同用韓文Google，得出嚟個結果係好唔同㗎！

測試一：妹妹

用「sister」嚟search呢，都會搵到啲感覺好可愛、好warm嘅圖，最啱就係用嚟print畀小朋友教佢哋愛護姐妹呢個大道理！

之後就試下用韓文嚟search喇，咦，點解全部都係腳嚟嘅喂…… 唔好蝦毛毛唔識睇韓文喎，係咪偷偷地換咗第二個詞語呀？

測試二：街道

Search妹妹會搵到女仔相都算係可以理解嘅，今次就search街道啦，成條街咁長，大把嘢可以見到，唔會又淨係搵到女仔喇啩？用「street」嚟search，就會搵到一條條整齊嘅長街，睇到都想去旅行影相呀～

到用韓文search，就係街……街上面嘅patpat囉，真係睇到毛毛紅都面晒。

測試三：白馬

再test多次，睇下動物又會點先！「white horse」得出嘅結果都好有型，隻隻都有潛質做唐三藏隻白馬呀下！

喂呀畀毛毛唞下得唔得？出埋晒啲咁嘅結果，真係幫你唔落囉！原來韓文「백마」字面上意思係白馬，但喺韓國文化入面就係「同白人做愛做的事」咁解，所以咪會出咗呢啲結果囉～

咁好玩，等毛毛都試下search返個字開下眼界先！搜尋「swim」，實大把嘢睇啦嘻嘻。

又話用韓文search會好開心嘅，點解出嚟個結果咁正常㗎……唔通連Google大神都唔鍾意我？

封面圖片、資料來源連結：RocketNews24