講起買喼，毛毛都有少少心得嘅，咪就係有幾平買幾平囉！因為毛毛根本就買唔起貴喼……同埋買平喼嘅話，就算個喼花咗都冇咁肉赤呀嘛！而最近，有位台灣網民就聽唔到毛毛嘅勸告，真係帶咗個靚喼去旅行喎，所以……所以咪出事囉。

睇下～佢個喼寄完艙之後就變咗咁樣樣喇！話時話，傳說中嘅喼王唔係好堅固好硬淨㗎咩？做咩而家搞到咁嘅？唔講毛毛真係以為個喼早過架飛機落地喎……

雖然呢位網民個喼畀人撞到好似中咗輻射咁，但呢位網民依然好樂觀咁話，個喼而家變咗現代藝術雕塑行李喼，全球限量一個，咁咪好值得收藏囉～

又係嘅，而家個喼咁樣樣都幾獨一無二吖，拖住佢出街又唔會同人撞款，喺行李輸送帶度拎行李嗰陣又唔怕拎錯咗人哋個喼喎！連哈姆太郎都話係啦，55。

資料來源：Chien Peiyu／爆料公社