相信有養寵物嘅朋友都試過，明明擺咗啲嘢食喺枱面，轉個頭硬係會唔見少少，原來係隻為食仔偷偷地幫你試味。日本有個網民最近就親手捉到偷食佢碗烏冬嘅賊仔喇！

今次貂仔你仲唔斷正？！唔好諗住話自己只係聞下冇食到呀，大大條烏冬喺你個嘴仔度咬度，冇得抵賴呀！就算扮無辜樣賣萌都一樣冇情講，一於影你上網公審你個為食賊！

可能香港嘅朋友對寵物貂比較陌生，但其實貂喺美英澳加日台等等地方被譽為第三大寵物，僅次於常見嘅喵星人同汪星人㗎咋～貂又叫做矇眼貂，眼仔細細巧打耳㗎，唔好認錯佢做臭鼬鼠呀～

毛毛都試過抱抱貂仔，個肚仔軟綿綿咁，成個身體可以用條狀嚟形容，同抱喵星人汪星人感覺好唔同，都不知幾驚自己唔識抱會整親佢呀。呢隻日本貂仔咁為食，點解仲可以keep到身形咁fit嘅呢？

うどん窃盗犯 pic.twitter.com/gDzPEuOwYr

— プリウスキラー大宮 Lv.14 (@IjrNemu) September 26, 2016

封面圖片、資料來源連結：IjrNemu／twitter、維基百科