話說，噚晚有台灣網民因為冇閂好門窗嘅關係，竟然畀條毒蛇唔小心走咗入嚟搵食，而且仲要係條好毒嘅銀腳帶?！嘩，唔係咁得人驚呀嘛？

不過咁，銀仔想搵食？其實真係唔係咁易，事關銀仔入嘅笨唔係一個普通嘅屋企，而係一個養咗幾隻流浪貓嘅屋企呀！而且銀仔仲要咁啱入正貓貓間房?……

果然，銀仔入咗貓貓房唔夠一陣就即刻引起全屋貓貓嘅注意，一眾好奇嘅貓貓仲馬上使出貓拳圍攻銀仔，搞到銀仔驚到縮埋咗一嚿。

而呢位網民就趁住銀仔縮埋一嚿嘅時候，用盆困住佢，再打電話叫消防嚟處理。

事後呢位網民話，好彩有呢幾隻流浪貓報恩，如果唔係屋企就可能會有人畀蛇咬喇。

btw溫提，雖然銀腳帶有毒，但其實銀腳帶呢種蛇係好細膽，受到攻擊都只係會縮埋一嚿，所以假如下次真係見到佢，同佢保持距離再打電話叫相關人士處理就好了。

資料來源：莊稼人／爆料公社