實驗袍嘅嘢，毛毛以前讀書嗰陣都著過啦，有咩咁巴閉啫！不過如果係呢位台灣同學仔身上件實驗袍嘅話，咁就唔同講法嘞，事關佢竟然用咗兩個鐘嚟將自己件實驗袍畫到好似《One Piece》入面啲海軍披風咁呀！一齊睇下佢件袍畫成點先～

嗚哇，衰鬼又畫得幾好喎～你哋睇下「正義」呢兩隻大字寫得幾靚，講到海軍披風果然真係唔少得背脊呢兩粒字呀下！另外，除咗「正義」兩隻字之外，呢位同學仔仲連披風嘅駁頭位同手袖位都一樣畫得咁靚咁仔細㗎，真係隔住個mon都feel到有幾霸氣！

btw，雖然呢位同學仔件實驗袍靚就係幾靚，但畀老師見到會唔會唔畀你上堂㗎？為咗呢位同學嘅學業著想，你都係將件實驗袍畀咗毛毛，等毛毛幫你保管住先啦，嗯！

資料來源：dcard