講到冧女，毛毛相信，用蠟燭砌I love you出嚟應該都有唔少兄弟做過㗎喇，懶係浪漫，懶係有情調吖嘛！老老竇竇，呢招work唔work毛毛就唔知，不過有一樣嘢毛毛就好清楚，就係追女仔還追女仔，做人都要有公德心囉！

話說前排有馬鞍山網友喺樓下個公園度見到有人用蠟燭砌晒心心示晒愛咁，仲連兩邊嘅樓梯都放埋一盆又一盆嘅蠟燭，成件事真係幾羅曼蒂克㗎！

老老竇竇，如果毛毛係女仔見到呢一幕都會畀個男仔冧到…一秒咁多囉！事關第二日朝早，就有街坊影到有個清潔伯伯喺度好努力咁剷走緊地下啲蠟，exact7ly就係前一晚用嚟示愛嘅嗰個位呀！

示愛還示愛，唔該都畀返少少公德心吖。想浪漫，其實帶個女仔去食燭光晚餐咪得囉！嗱又冧到女，又有蠟燭，最重要係唔會整污糟地方，麻煩到其他人吖嘛！囡囡見到你咁識諗實?飯應啫！（利申：唔work都唔好打面呀，毛毛9估咋，哪有囡…）

圖片來源、資料來源：‎ShingShing Chan、‎Keith Yeung／馬鞍山之友