眾所9知，早排首洗腦歌《PPAP》唱到街知巷聞，唔少名人明星都爭住拍片唱cover，就連毛毛嘅女神舒淇bb都唔例外，一樣中咗《PPAP》嘅毒。雖然呢首洗腦歌就唔係講咗啲咩大道理，但起碼呢首歌可以令大家考試嗰陣攞多1分吖！

是咁的，話說最近有台灣網民就post咗自己份英文試卷嘅送分題出嚟，仲話「終於有我看得懂的題目了」?，原來呢條所謂嘅送分題就係問《PPAP》嘅歌詞呀！I have a pen～I have an apple～好彩呢位網民有畀《PPAP》洗腦啫，如果唔係就蝕咗1分㗎喇。

btw，雖然係人都知係填「pen」、「apple」同「apple pen」，但apple pen個a字好似要大階喎……嗯，冇咩嘅話，毛毛都係出返去做嘢先。

資料來源：爆廢公社