而家個世界，淨係有實力係唔夠㗎，仲要講技巧！追女有誠意又點，最緊要把口識氹佢；激嬲腦細又點，最緊要識執生；面試都一樣，份CV唔夠靚仔又點呀？有面試技巧咪得米囉！

面試嚟講，最重要係唔好畀對方拋到，有禮貌得嚟又show到自己幾有自信！覺得好難？唔使咁快灰機嘅，生命滿希望，呢一切都係可以練返嚟㗎！最近就有日本網民晨七咁早嘅時候見到有幾個後生仔女練緊面試喇！

不過睇真啲，佢哋個背景咁怪嘅喂？原來佢哋竟然喺條河度練習面試？！對腳仲要浸晒水，又濕又凍都專心到答面試官問題就當你贏！咁都頂得順，到真正面試嗰時喺舒舒服服嘅冷氣房就自然冇得輸啦！

呢位明知課室水浸都冇有怕繼續教書嘅阿蛇，話唔定當年都經歷過咁嚴苛嘅面試練習，先練得一身好本領。其實佢都有叫班同學仔可以走先嘅，不過佢就照教書咋嘛。下？一陣阿蛇趁水浸放水講考試貼士點算呀，梗係死都聽埋佢啦！唯有唱返句「無懼世事變改，還是越浸越愛」啦…… 

面接練習にしろ、面接にしろ、朝7:00の鴨川は嫌（笑） pic.twitter.com/wC6sQvMpYp

— しのはらななこ (@chanaaaaly) October 12, 2016

封面圖片、資料來源連結：chanaaaaly／twitter、imgur

延伸閱讀：【濕L晒唔L驚】課室水浸都繼續教書