Lego公仔，毛毛細細個就開始玩喇！Lego嘅世界七彩繽紛，有時玩玩下都好想問叮噹借個縮小電筒，將自己變到Lego咁細粒跳入去同佢哋一齊玩呀！

將自己變做Lego就冇可能㗎喇，cosplay下都仲得嘅！不過呢位師兄淨係戴頭套又唔整埋對C字手，好似差咁啲誠意啵。

如果佢有呢個紙袋咪成個look出晒嚟囉！睇真啲，呢個唔係普通印住Lego嘅紙袋呀，而係只要一拎住佢，就會好似自己有對黃色C字手仔咁，幾有型呀！溫馨提示，應該要著長袖衫先唔會穿崩！

呢款紙袋由New York School 視覺藝術系嘅同學仔設計，暫時未有得賣㗎。不過佢用起嚟都幾方便，只要好似平時拎紙袋咁拎住條繩就得，唔使特登拎住隻黃色手仔嘅，又好玩又好用，如果有得賣實賣斷市啫！

封面圖片、資料來源連結：adeevee、ufunk