100円，即係大概7個半港紙啦，喺日本可以做到啲咩呢？可以買到罐汽水，食到碟壽司，又可以去100円店瘋狂掃貨，不過最識用一定係用嚟實現夢想！

錢買唔到夢想，不過實現夢想就要用錢囉～而家機會嚟喇飛雲，仲要只係100円咋！有日本女學生提供特別服務，只要100円，就可以請佢向你告白一次喇！嗚呀，係時候儲定佢叫佢瘋狂告白喇！

淨係講句「我鐘意你呀」咁嘅服務態度，係未夠㗎。呢位女同學仲會tailor made，只要你想，佢扮師妹、動畫聲、甚至小蘿莉都得㗎！Between毛毛見到個牌細細隻字寫住「百合」，唔知係咩玩法呢…… 

喺香港，$7.5連件格仔餅都買唔到呀，但喺日本就好使好用得多喇，原來之前仲有活動係畀100円就可以畀護士姐姐餵自己食百力滋㗎！嗚呀，調返轉毛毛餵姐姐食得唔得呀？

護士姐姐餵百力滋係就係好吸引，不過毛毛覺得最好睇都係後面圍觀個哥哥嘅表情啫。

封面圖片、資料來源連結：2ch