小朋友最好玩好打耳嘅階段，一定係佢哋得一兩歲嘅時候，B仔B女識講幾句咕咕嚕嚕（其實唔明佢哋講咩，不過照扮啱傾），又啱啱識行，行幾步又跌一下咁，真係睇足佢哋全日都唔會厭！

不過聽講呢個階段嘅小朋友都係最難湊，佢哋有用唔完嘅精力，又好奇心旺盛，最鍾意趁媽咪擰轉面就搞搞震，搞到媽咪都唔知笑好定喊好呀。

呢個B女就乖呢，自己一個靜靜地玩煮飯仔，等媽咪可以唞返啖氣！睇下今晚食乜餸先，咦，B女，點解你會…諗到用森林家族嚟煮飯…咁…有創意嘅？唔通幼稚園都有教整新派fusion野味煲嘅？

人哋話女仔特別細心，原來係真㗎，睇真啲，B女仲幫兩隻兔兔除咗條裙仔先落鑊囉…… 

唔知媽媽見到乖女煮森林家族嘅一刻，係咪先係嚇一跳，然後得啖笑呢？好彩B女煮嘅唔係熊貓公仔咋，唔係阿媽見到佢哋原來個身係全黑色仲驚呀！

シルバニアファミリーでおままごとしてた娘の『さぁごはんの時間ですよー！』って声を聞いて様子を見に行ってみたら、シルバニアファミリー食材側だった。 pic.twitter.com/hCZbmgcD0W

— 昆布山葵 (@43ismamorigami) October 20, 2016

封面圖片、資料來源連結：43ismamorigami／twitter、mU6o6Um／twitter

延伸閱讀：【長知識了】唔除晒佢哋啲衫都唔知原來熊貓個身係全黑色！