經歷咗廿幾年孤獨嘅生日，同埋見到呢個韓國網民生日咁樣樣畀同學整蠱法之後：

毛毛都已經看透咗世事，知道呢個世界冇嘢係真㗎喇……之不過見到呢個日本網友最近嘅生日sur派時，又成功令毛毛重拾返對人類嘅信任喇！

是咁的，呢個壽星女本身諗住今年生日淨係會收到啲糖呀卡呀呢啲行嘢做禮物，點知一返到去學校，就見到自己枱面放咗呢幾碟好似九大簋咁樣樣嘅餸菜喺度喇！

早餐咋喎，使唔使豐富到咁呀？有湯有飯，仲要有埋蛋糕仔做甜品，你叫毛毛呢啲平時早餐都係食個豬仔包嘅毒L點樣生存呀下……

不過老老竇竇，如果有人肯整嘢食畀毛毛做生日禮物，我都應該唔會同佢做朋友囉！係呀…娶佢做老婆囉……老公都得嘅……hehe！

圖片來源、資料來源：____xxx12K__／twitter