之前都同大家介紹過沙田嘅城門河影相有幾靚啦（回帶：沙田十大清新影相位），其實呢度唔止係影相好去處呀，都係釣魚好地方！成日都有唔少叔叔伯伯嚟河邊吹住風釣魚㗎，都不知幾寫意（雖然毛毛都好質疑到底啲魚食唔食得…）。

但係估唔到，原來啲魚絲都有可能對附近嘅雀仔造成危險㗎。最近就有網民見到城門河邊有隻雀仔嘅爪畀魚絲纏住，不過好彩有兩個街坊一齊幫佢解返開啲魚絲救返佢咋！

路過嘅七嬸同八叔都好關心雀仔嘅情況，齊齊停低腳步為雀仔打氣。毛毛代雀仔多謝你哋呀，吱吱！

之前都有另一位網民話喺土瓜灣見到有人用勞作膠水黐實隻麻雀仔喺地下，搞到麻雀仔甩晒毛，於是就出手救返佢。如果大家都畀多啲愛心，對小動物友善一啲，呢個世界一定會更加美好啫！

封面圖片、資料來源連結：沙田友、Fredrick Lau／香港雀鳥交流及買賣

延伸閱讀：【唔L係啩】有人用膠水黐實麻雀仔？！