到底扮咩先可以喺萬聖節突圍而出呢？無論你扮小丑女又好PPAP怪叔叔又好，始終都係扮緊人哋，所以點扮都係失敗！最特別嘅，一定係咩都唔扮，做返自己！

日本有個喺東京大學毒緊教育系2年級嘅毒L高橋就決定大大隻字寫住「童貞」喺心口，希望經過呢一晚之後，可以唔再係童貞之身喇！

不過咁係未夠嘅，唔通班妹豬見你係童貞男就會就地正法咩？所以佢就準備咗120張寫咗自己twitter同line ID嘅卡片周街派，諗住妹豬們可以第日搵返佢聯誼下～嘩，單係個title「高學歷童貞」都不得了啦，你玩晒啦細佬！

萬聖節嗰晚，差唔多成街嘅男仔都係playboy咁款，突然有個童貞男一碌木咁企喺度，簡直好似清泉咁呀！高橋果然吸引到好多妹豬主動同佢合照，嗚呀，啲兔女郎同小惡魔又索又卡哇依，想葡萄死人咩！

咦？呢張卡片咁熟口面嘅？

咦…點解…佢喺地下…孤伶伶咁嘅……

物似主人形，原來可憐嘅卡片，畀人扔咗落地，就同高橋嘅命運一樣，畀人遺忘……高橋話，之後完全冇人add佢，表示覺得自己係零。唔好咁sad啦，毛毛咪又一樣毒L一個，好明白地方的童貞男需要溫暖嘅感覺，不如畀張卡片我，等毛毛安慰下你啦？嘻嘻。

封面圖片、資料來源連結：tonbonline／twitter、SPOT