2016年11月03日 星期四
【阿媽崩潰系列】媽咪等我幫你裝過道門門啦！
小朋友嘅志願，最多人揀嘅一定係老師，因為老師係佢哋第一種接觸到嘅職業吖嘛，其他嚟嚟去去咪警察呀消防員呀醫生呀咁囉，不過呢個日本嘅阿B睇嚟就特別好多喇！
睇呢個阿B細細粒，應該都係啱啱學行冇耐，其他同年紀嘅細路都仲玩緊車車嘅時候，佢已經趁媽咪睇唔到，幫佢拆緊度門喇！正確啲講，係撕緊木門最面嗰層薄木出嚟，唔知佢係咪覺得呢隻花唔靚，想幫媽咪換過款靚啲嘅呢？細細個就已經有不凡嘅身手同抱負，室內裝修界嘅未來有希望喇！
其實唔少細路都有自己一套與生俱來嘅審美觀，對屋企平平無奇嘅設計好有意見，仲會親自出手重新設計！好似呢個阿B咁呀，就用片片當係牆紙咁貼到一屋都係喇，創造力量同幻想，真係嚇媽咪一跳！
見到幾個未來社會棟樑嘅破壞力……啊唔係，創造力咁強勁，係咪窒咗一窒，想停低造人大計呢？而家好多後生驚自己唔識教，所以寧願養寵物都唔養人仔，但係，少年，你太年輕喇，你以為養喵星人，屋企道門就可以平平安安咩……
職人の朝は早い
— ちゃんこ?ﾏﾏｲｶ杯11/2ᔦꙬᔨ (@chanko730) November 1, 2016
今日は寝室の模様替えからスタートだ
ムスコ「こういうのは思い切ってやんないとね」 pic.twitter.com/cfquK4In9E
封面圖片、資料來源連結：chanko730／twitter、bwayacho／twitter、kokonananya／twitter
【媽咪崩潰系列】
