秋風起，又到咗著住件學士袍拎住紥花影畢業相嘅季節喇～唔知有冇人當年都係咁呢，前一晚辛辛苦苦燙好件恤衫，諗住精精神神靚靚仔仔咁影相啦，點知一著起件又大又長嘅學士袍，即刻好似畀塊黑布襲擊咁……

可能毛毛讀得書少啦，以為學士袍一定係黑色嘅，但原來唔係㗎，好似台灣逢甲大學咁呀，佢哋嘅學士袍就係棗紅色㗎喇！呢個女同學話次次post親相都畀人笑佢係喇嘛定傳教士，但佢今日就要用呢件咁特別嘅學士袍教大家點樣「一件多著」喇！

係人都知女仔最鍾意shopping，不過買咁多衫又邊有位擺呀，可以一件衫著到唔同style嘅話就perfect喇！學士袍都一樣啫，入門級嚟講，可以試下收起個袖整做背心或者復古風雞翼袖～

去到中級喇，整個大V領，露出鎖骨都唔錯㗎，低調地性感吖嘛～睇睇下呢個look又幾似妲己啵？

反正都扮開古人，不如扮埋唐三藏啦？見到都想學悟空咁講句「好L痛呀師父」呀！

有冇信心挑戰埋高級版先？！著條呢條渡假風掛頸長裙去墾丁玩，一定全個沙灘最搶鏡呀！

襯衫嚟講，最緊要識得利用唔同accessories，即係飾物啦，mix ＆ match返唔同style出嚟，好似呢個look咁就用咗bling bling頸鍊同條belt成功打造咗個去ball嘅look出嚟喇～

最後就嚟款終極打大佬啦，燈燈燈凳！就係貴婦look喇！雖然同上面條裙一樣都係晚裝，不過低垂嘅披肩就帶啲高雅氣質，留起件學士袍到第日真係做咗貴婦著都仲得呀！呢個同學咁有創意，手工又咁好，唔知佢係咪讀fashion design，即係時裝設計嘅呢？

封面圖片、資料來源連結：dcard

睇埋：【上堂必玩】呢條氣質手鍊竟然係用釘書釘整嘅？！