而家一打開個挨豬，差啲以為自己睇緊生物大奇觀呀，一個二個妹豬都變晒貓仔狗仔豬仔嚟自拍！聽講佢哋咁鍾意用呢個app，係因為除咗打耳之外，仲有自動美肌同大眼嘅分唇，再畀個動物鼻遮咗半塊面，實點影都靚啦。

你班人類自拍得咁開心，蘿蔔都唔可以輸蝕嘅！本身佢個樣就皺晒皮，成塊面都係一個個凹洞，好似月球表面咁嘅。咁多暗瘡印，一係佢唔識Jack－lin，一係佢青春期嗰時成日手多多擠暗瘡啦！

不過都唔怕嘅，喺呢個有圖都未必有真相嘅年代，一app在手，係人都可以做女神！只要用美肌app撳個掣，即刻又白又滑呀！

蕃茄妹妹見蘿蔔姐姐一秒變女神，唔止留comment叫佢互讚互粉呀，都嗱嗱聲幫自己美一美肌，即刻由中女變童顏呀喂！

見個美肌app咁鬼勁，有網民仲拎埋男藝人嘅相試試，又真係藥箱都變首飾箱，實力派都變偶像派喎！個效果仲要勁自然，唔仔細睇都唔知係執過嚟呀。咁多位妹豬，你哋而家明點解上網識到啲仔仔咁心急約你出街未呀？

最近JKとかがよく使う写真がプリクラみたいに肌が綺麗だから、大根で実験してみた。 pic.twitter.com/mztOG0rU3X

— sho@大根大旋風 (@yellowheart_sho) November 15, 2016

封面圖片、資料來源連結：yellowheart_sho／twitter