作為一個宅男，放假冇嘢做就梗係匿喺屋企煲劇㗎啦，大大話話睇咗廿年，喺日劇度學到啲咩呢？就係同人講嘢一定要等大家行咗幾步先擰轉頭同佢講，仲有黃昏嘅時候一定要向住夕陽跑囉……

大家都係睇日劇，但呢個男網民就有得著好多，話因為咁而迷上日式料理，開始試下自己整喇！你冇眼花呀，呢個咁打耳嘅兔仔便當真係由男網民親手整㗎！

唔好以為畫畫先要起稿呀，整便當一樣要㗎！佢話要一早諗定用咩材料、整咩造型，如果煮煮下先諗點砌，啲食材都由新鮮變化石啦！

通常出街食嘅公仔造型食物都得個樣，但呢個超級暖男出品嘅便當就唔止賣相吸引，仲隔住個mon都聞到好香咁?！

睇嚟呢個暖男對兔仔情有獨鍾，連咖喱飯都要整到兔仔咁樣樣，叫人邊捨得一啖食落口呀！男仔識整嘢食已經加晒分，仲要細心到整埋兔仔造型，暖男級數爆晒燈呀！唔知佢肯唔肯嫁畀毛毛呢，我都好鍾意兔兔㗎，嘻嘻。

詳細食譜睇呢度：wusagi／dcard

得閒睇埋：【日本處男飯】聽到個名都想食呀嗚呀！