等咗咁耐終於凍。冬天除咗買衫轉季打邊爐，又點少得浸個靚溫泉呢～不過咁，次次浸溫泉都係得個浸字，真係你唔厭我都悶，畀新意嚟睇下得唔得啫？嗱，別府今鋪就同你玩溫泉主題樂園，夠晒刺激未呀？

浸住溫泉玩嘅過山車？嘩，乜玩到咁大呀……弱弱一問，會唔會坐到連毛巾都飛埋出去㗎？

唔止咁，除咗溫泉過山車，仲有個畀你浸住溫泉嚟坐嘅摩天輪！雖然毛毛就冇得攬住女女玩呢個溫泉摩天輪，但其實毒L一個坦蕩蕩咁浸住溫泉睇夜景都不失為一件樂事吖～係咪呀哈姆太郎？

btw，雖然成條宣傳片已經拍咗出嚟，不過個樂園係未起嘅。市長就話喎，條片夠100萬views咪會堅扑搥起個樂園出嚟囉！而家條片個views已經過咗60萬㗎喇，睇嚟要成事都唔係冇機！

話時話，唔知啲遊樂設施幾耐換一次水㗎呢？

封面圖片及資料來源：温泉ハイスタンダード！ 極楽地獄別府/Youtube