上次介紹過日本福岡縣度有隻稻草整成嘅哥斯拉，係咪覺得佢好威武呢～吓，覺得咁大個「斯拉」好得人驚？咁咪就轉去琦玉縣睇吓啲打耳嘢囉，今年嘅稻草藝術節撞啱《勇者鬥惡龍》三十週年，所以整咗幾隻代表出嚟呀！

唔知佢哋係咩嚟，你就好打有限喇，佢哋咪臭係史萊姆囉～仲要係3+1配方，三隻史萊姆加一隻史萊姆王?！雖然佢哋唔係金屬造，但係都好稀有㗎。呢隻史萊姆王有成9米高，另外個幾隻史萊姆都有2米高。如果喺個game度見到咁大隻，都咪話唔嚇到心都離一離呀～

你仲可以走入史萊姆王個身度?，因為佢笨唔係一個稻草人咁簡單，而係稻草屋呀～不過一諗到史萊姆本身個質感，然後想像你企喺佢裡面⋯⋯55，冇咩事都係行返出去罷喇。

呢幾隻還原度極高嘅史萊姆，話就話只係用稻草整，但係佢哋都好實淨㗎～你諗都唔好諗住學隻狼咁吹冧隻史萊姆嚟賺經驗值呀，毛毛怕你吹到HP歸零咋。btw，唔知會唔會有勇者真係會cos 勇者義彥去呢？毛毛好想重溫1HP攻擊呀～！

封面圖片及資料來源：＠mana1119_ume/ twitter