宮崎駿出品嘅動畫，我哋細細個就睇過啦！啲人整宮崎駿動畫造型嘅食物，多數都係用《龍貓》同《魔女宅急便》呢啲經典嘅，貪啲人物夠卡哇依吖嘛～不過真係諗都諗唔到，有人會整《風之谷》王蟲蛋糕！

呢隻像真度咁高嘅王蟲，唔係得個擺字嘅模型嚟呀，而係睇得又食得嘅蛋糕！最強嘅係，係個日本網民自己DIY嚟慶祝媽媽生日㗎！而家啲後生女淨係識自製蛋糕畀男朋友BB豬，唔係求其同媽咪去酒樓食餐飯慶祝已經好難得喇，仲要咁花心機整埋咁高難度嘅蛋糕，真係抵讚！

再靚嘅蛋糕，始終都有畀人切開嘅時候，見到呢個畫面，真係好心痛呀嗚嗚嗚～唔知食落味道又係點呢？不過見乖女咁畀心機整生日蛋糕，媽咪實點都覺得甜啦！

整王蟲造型係就係口味獨特咗啲，但係睇返其他人嘅王蟲食物作品，就會覺得呢個蛋糕真係好出色好靚㗎喇……

先週、母の誕生日だったので姉がケーキを作りまして。ナウシカです。王蟲です。 pic.twitter.com/ihakXG5J6q

— やしま (@163ysm2) November 27, 2016

封面圖片、資料來源連結：163ysm2／twitter

同場加映：

【喊出嚟】個Jordan Jumpman蛋糕會唔會太有藝術感呀？

【很危險】女婿呢個生日蛋糕係咩意思