每次睇日劇同動漫，毛毛最羨慕就係妹豬整嗰啲超卡哇依嘅造型便當。無論係卡通定小動物，個飯盒都精緻到令人唔捨得食呀⋯⋯睇完嗰啲相再睇返自己帶飯個飯盒，係咪突然有一種唏噓嘅感覺呢？不過意外係意料之外，無論你手勢幾好個飯盒都有機會出事。

好似呢個日本妹豬咁，整咗個好打耳嘅雞仔蛋包飯，你睇佢漲卜卜咁，就知呢隻雞仔幾足料啦～仲要面紅紅眼仔碌碌咁望住你，真係見到都想食呀～

點知一冚蓋就出事喇！呢隻可愛嘅小雞因為太足料，受唔住環境嘅壓逼，竟然由內至外咁「爆血」而死呀！你睇下佢個樣，除咗死唔眼閉之外，都唔知可以點形容⋯⋯今次嘅慘劇完全超出咗雞仔嘅生涯規劃，主人下次記得唔好畀咁大「壓力」佢喇。

btw，有時就算受得住個壓力冚得到個蓋，咪又係一樣出事……

唉，貓仔，都叫咗你用啲防水嘅化妝品㗎啦，搞到對大眼仔黐晒上去，連個貓樣都冇埋呀！不過其實飯盒嘅嘢都係食落肚啫，食完咪又係咁嘅樣，最緊要係好食同埋邊個煮啫，如果你有人煮畀你食嘅話。

封面來源及資料來源：honami_05emma／twitter

回帶：老婆你又話整咗個狗狗飯糰畀我做便當嘅…？