《鋼鍊》係唔少人嘅童年回憶，就算冇睇過，都肯肯定識講句「等價交換」。

而最近，有位日本媽媽竟然畫咗個還原度超高嘅人體鍊成陣出嚟，仲諗住試?……喂喂喂，千祈咪亂試呀！連愛德華呢個天才鍊金術師都搞到冇咗隻手得返個鋼鐵小弟弟，你呢位家長仲唔Fail？

不過由於時間關係，個BB已經畀呢個媽媽成功鍊成咗。正所謂「人唔作出犧牲，就唔會得到任何收穫」，究竟呢位阿媽付咗啲咩代價先換到個BB返嚟呢？嗯，咪同大家嘅阿媽一樣，付出咗十個月嘅時間同忍受咗十級嘅痛楚囉。

btw，其實畫陣又點止可以鍊成BB咁簡單吖～如果你畫啱陣，就連主子都可以召喚到出嚟㗎喵！老老竇竇，連BB同主子都可以鍊成，咁幾時先可以有人教毛毛畫個召喚女朋友嘅魔法陣呀？

封面來源及資料來源：osanpolunlun／twitter、Milk 萌奶生活日記／Facebook