得意嚟講，兔仔可以話係冇得輸。尤其是佢哋食嘢個樣，個嘴仔郁下郁下咁，都不知睇到毛毛幾想瘋狂餵佢哋食嘢呀！而最近，有位日本兔仔控就疑似因為太愛兔兔嘅關係，所以連一日三餐都跟住兔兔個樣嚟煮喎，而個賣相都整得相當唔錯㗎！一齊睇下～

簡單一件兔仔造型多士配生果，咁嘅份量要嚟做早餐或者下午茶就啱晒～

想要飽肚啲嘅就可以試下整呢款兔仔造型咖喱飯。所謂嘅兔仔造型咖喱飯，其實材料都只不過係一包即食咖喱、一隻烚蛋再加碗白飯。喂，手殘都應該handle到啦下話？

最後仲有兔仔造型炒飯，冷飯加蛋兜一兜，加兩片蘋果，加啲烚好嘅西蘭花，又得咗！

老老竇竇，你話呢三款兔仔料理好難整咩？其實都唔係吖～咁啲材料好難買咩？其實又唔係喎！咁點解人哋可以將啲咁普通嘅料理都可以整得咁打耳呢？關鍵咪就係因為人哋有心思囉！只要加少少裝飾、加少少點綴，咁就藥箱都變成首飾箱啦～

資料來源：misyou417／twitter

逃げ恥 のすきにコソッと
似てねぇ〜 3部作?
･ぽっちんカレー??
･ぽっちんトースト??
･ぽっちん炒飯?
キャラ弁の才能ないのがよくわかる…(Ａ;´･ω･)ｱｾｱｾ
ぽっちん、ごめんね? pic.twitter.com/KQuGd712Ci

— misyou (@misyou417) 2016年12月13日