學江華話齋，做人最忌就係太有自信，因為一個人太有自信真係好容易出事㗎……嗱嗱嗱，話口未完，呢度就有位台灣自信寶寶出咗事喇！等毛毛同大家睇過睇過～

話說，最近有位台灣女網民就喺一個叫「莫莉」嘅facebook page度睇到張出水芙蓉照，覺得好靚，於是就心血來潮邀請朋友做model，等佢可以影到呢張大師級作品嘞。點知出水芙蓉照就冇喇，疑似遇溺照就有一樣！

嗚哇喊出嚟，明明大家個動作都係喺水底揈把頭髮上嚟咋嘛，點解人哋就有女神仙氣，而我就「嘥～～～氣～～～～～（肥媽tone）」㗎？公平咩！

Btw，雖然呢位網民就未能成功影到有女神feel嘅出水芙蓉照，之但係，其實以like數嚟講都輸唔晒㗎喎……哼！邊個話淨係女神先可以呃到like呀？

資料來源：莫莉／Facebook、dcard