今年係雞年，梗係要配合主題攞返個好意頭啦～除咗瘋狂食雞煲同係咁唱「全部都係雞」之外，做下廢青砌下Lego都唔錯吖。不過講就講係廢青咋，其實砌到Lego公雞出嚟一啲都唔廢，仲不知幾勁！

日本民間最多係咩？唔係雞呀，係高手呀！最近有個網民就用Lego砌咗隻公雞出嚟賀年喇。原本以為Lego同雞咁唔夾，個製成品實好有喜感，點知睇睇下又幾鬼型、幾有霸氣喎？

咁都未算最勁呀，話明係高手，梗係要出絕招啦！等我變身先！

話都冇咁快，就已經由大公雞變咗做鐵甲人喇！咁有霸氣，真係睇唔出本身係隻雞嚟呀！唔知雞雞俠嘅超必係咪唱全部都係雞嚇走敵人呢？Btw好彩十二生宵冇鴨㗎啫，唔係要變身做鴨鴨俠都幾老尷……

砌公雞睇落都唔係好難啫，自己砌砌下都砌到啦，不過唔係用Lego，係用衣夾啫。雞年吖嘛，係咁雞㗎喇。

封面圖片、資料來源連結： 2ch

同場加映：【估你唔到】你以為我砌電單車？ 其實係砌人力車呀