2017年01月05日 星期四
【提款雞】前面條友爽手啲唔好阻住後面撳錢得唔得？
次次去櫃員機撳錢都排晒長龍咁，真係等到粗口都變標點符號。而最近，有台灣網民都遇到一位阻住人撳機嘅hihi喎，不過呢個hihi竟然係……一隻雞？！
話說，有網民收工經過郵局部自動櫃員機嗰陣就見到有隻雞企咗喺部櫃員機上面，隻雞仲喺咁望住部櫃員機個mon?！呢位網民心諗，唔通係自己返工返到懵L咗，所以先一時眼花睇錯？之不過望多兩望隻雞都仲喺度，冇睇錯喎……咁到底隻雞係喺邊度走出嚟㗎呢？
btw，計毛毛話，而家做雞唔使出糧呀？月頭去撳機有幾出奇啫？而家畀你臨近雞年遇到隻堅．金雞咪算你好彩囉！
話時話，好彩呢位網民遇到嘅係雞唔係貓主子啫……如果唔係？憑住貓主子一招「四兩撥千斤」，想撳錢真係難過入實驗室撳緊急掣呀！望望望，唔擺低罐罐你都咪使指意撳錢呀！
