開講有話：「拜得神多自有神庇佑」，呢個咁簡單嘅道理連細路仔都知啦～

最近有位台灣媽咪就發現，自己得幾歲大嘅囡囡竟然毛啦啦跪喺地下度，仲要雙手合十咁樣樣，原來阿女竟然咁細個就有拜神嘅習慣呀！之不過，佢拜嘅唔係觀音、關公、黃大仙呢啲大家平時都拜開嘅神仙，而係卡通主角……巧虎？！

咩喎，而家拜巧虎好失禮你咩？巧虎平時令咁多小朋友長知識，梗係有資格升上神枱啦！再講吖，人係有選擇自己宗教信仰嘅自由㗎喎，呢位媽咪唔係唔尊重阿女嘅信仰下話？

大家睇下阿女拜神拜得幾誠心～除咗眼都唔眨咁望到巧虎實一實之外，佢仲準備咗非常豪華嘅祭品，好似有香蕉呀、蛋糕呀、壽司呀咁，全部都係煮飯仔入面最高級嘅食材嚟，呢位小善信真係好有巧虎心呀！相信巧虎見到一定會保祐呢位小善信快高長大㗎啫！

資料來源：李蕙董／爆笑公社