網上曾經瘋傳過一張有關小智負重能力嘅cap圖，張cap圖上面清楚標示比卡超係有成6kg咁重嘅，但毛毛就唔係好明白嘞，睇嚟睇去隻比卡超都係咁細隻，邊得嚟6kg咁重啫？直至最近一位外國網民upload咗兩張癡肥比卡超嘅相，毛毛先知道真正嘅比卡超原來係咁樣樣㗎（好似係）！

喊出嚟！比卡超幾時變成咁㗎？雖然曾經有網民幫你改咗個花名叫「比叉燒」啫，但你都唔使真係肥到成嚿全肥叉燒咁呀？大家睇下佢個肚腩一節節咁，真係唔講差啲以為佢係卡比獸呀……唔通呢隻就係比卡超同卡比獸嘅合成獸－比卡比獸？

是咁的，其實呢隻就笨唔係癡肥比卡超，都唔係合成獸，呢隻比卡超嘅網上參考圖片係咁樣嘅：

只不過可能太耐都冇人買走佢啦，所以佢咪自暴自棄，搞到啲肌肉變晒做脂肪囉……

btw，最後都係戴返個頭盔，如果唔係陣間你班hihi屈9毛毛歧視比卡超肥就唔好啦。講明先呀，毛毛唔係唔畀比卡超做自己呀，毛毛只係擔心佢肥得濟會唔健康咋！55！

資料來源：lurkingupvotetroll／imgur、Anna_botbot／twitter、amazon

睇埋：比小智更強臂力 新game訓練員單手拎千斤重精靈