天氣咁凍，梗係要出動保暖三寶－電暖爐、電暖氈同虧佬褲嚟護體啦！而唔講唔知，原來洗電暖氈都有好多學問㗎～有啲就話張氈唔可以擺落洗衣機度洗，有啲又話張氈唔可以用熨斗熨喎，洗之前唔認真睇下個衣物標籤，真係分分鐘畀阿媽剷到上天花板都唔知咩事呀！

最近，有位台灣網民為咗防止畀阿媽剷到上天花板，所以特登睇清楚張電暖氈嘅衣物標籤。

唔睇由自可，一睇……咦，點解個衣物標籤上面寫住要將張電暖氈「放在溫水裡用肥宅輕刷洗」嘅？用肥宅洗電暖氈係咩玩法呀？天大地大，你叫毛毛去邊度搵個肥宅返嚟……呀sorry，一時唔記得咗原來毛毛自己就係肥宅。

以毛毛9估，個電暖氈生產商一定唔係連「肥皂」都打錯做「肥宅」咁7，佢肯肯定係特登嘅！唔通人哋發現肥宅身上嘅老泥有助去污漬又要話你知咩？

btw，講到最強衣物標籤都莫過於呢個寫住「將件衫畀老母，老母就會知點做」嘅衣物標籤。嗱，你哋話嘞，呢個世界上有咩強得過老母吖？

資料來源：施凱文／●【爆笑公社】●、‎Pan Xiao Shou‎／笑CC

睇埋：最強衣物標籤