狗狗天生奔放貪玩就喺人都知㗎啦，如果要揀最貪玩同八卦嘅代表，柴柴真係當之無愧呀～日本就有好多網民捕捉到佢哋嘅八卦嘅罪證，只要屋外幅牆有返個咁上下大細嘅窿，佢哋都會諗盡辦法攝出嚟，突個頭出嚟同啲路人甲乙丙say hi㗎～

不過柴柴都會有想靜下嘅時候嘅，呢隻柴犬本來只係想默默咁望住屋外嘅景色發下吽哣，思考下狗生意義咁。你睇佢個樣咁苦惱，點會係諗緊下餐食咩呢啲咁嘅膚淺問題呢，絕對唔係㗎下。

「喂，隔籬屋隻秋田女出嚟散步喎汪！」

「係咩係咩，邊度，等我又出嚟??先！」 

作為好兄弟，大家都係狗公，有女梗係要一齊?㗎啦！反正咁多位，讓一邊畀你又點話呀～不過狗狗你?女?到成個身伸晒出去咁成何體統呀，一陣卡住咗喺個欄到又畀主人恥笑㗎喇～

「ching邊度呀？讓少少位嚟吖，我又要睇呀！」

「做咩啫你，冇人識你呀！咁迫都仲攝上嚟，信唔信我汪你吖喇！」

中間個隻柴柴又係嘅，見到咁迫就唔好夾硬攝入去啦，位呢家嘢要一早霸定㗎，明天請早啦～不過呢個世界永遠都有啲人，明明冇位㗎啦都係要逼入嚟，有位嗰啲人又死都唔行入啲喎。冇呀，講緊柴犬咋嘛，邊係講緊搭地鐵同巴士嗰啲沙甸魚啫，你諗多咗喇！

封面圖片及資料來源：tdmt16en／twitter