有兄弟姊妹嘅朋友仔先會明白，到底想要一個私人空間呢個願望係幾咁奢侈。天呀！唔通想搵個地方自己一個人靜下真係咁難？唔通世間上就冇一個可以容得下毛毛嘅地方？

想要私人空間？其實唔難吖，好似以下呢位識得空間大改造嘅日本網民咁咪得囉！

話說，最近呢位日本網民就喺twitter同大家開心些牙咗幾張佢個秘密基地嘅相。雖然呢個秘密基地係由入牆櫃改裝而成，但真係「麻雀雖小，五臟俱全」㗎！

大家睇下，呢個秘密基地有齊手提電腦、遊戲機、ipad、鬧鐘、枱燈乜乜乜不但止，入面仲有兩個可以畀你掛嘢嘅網架同一張可以畀你隨意調較角度嘅坐墊，兼且連木木梟都喺入面陪住你～

嗱，而家有咗呢個秘密基地，咁以後打機睇戲食自己乜乜物物嘅時候咪唔怕畀人煩住晒囉！班兄弟姊妹煩9我？冇咁易！

（題外話，其實一個公開咗嘅秘密基地仲算唔算係秘密基地？）

小さい頃から夢だった押し入れ秘密基地が完成した…20過ぎで良い年になってからこそこのワクワク感は半端じゃ無い。しかも寝っ転がると天井にアイパッド挟めるから寝ながらニコニコ観れるのだぜ！！ pic.twitter.com/uifT5paWlJ

— ?食戟のこたつみかん? (@Lovemikans) 2017年3月8日

資料來源：Lovemikans／twitter