噚日，廣島一場職業棒球賽嘅主辦單位就邀請咗一位住喺埼玉縣春日部嘅五歲小朋友嚟做開球禮嘉賓。嘩，邊位小朋友咁把炮，毛都未出齊就有得做開球禮嘉賓咁威呀？仲要特登由埼玉縣走到嚟廣島縣咁遠?？

喂，五歲小朋友係左邊嗰個定右邊嗰個呀？乜家陣啲五歲小朋友咁高㗎咩？

登登登櫈，呢位五歲小朋友之唔係野原新之助－小新囉！冇喺香港出現一排，條眉都仲係咁粗咁濃密啵！而有得做職業棒球賽嘅嘉賓，小新就梗係要出動佢條動感超人必勝底褲啦！

「（動感超人笑聲）哇哈哈哈哈哈哈哈！」

btw，雖然毛毛都明白小新有動感超人陪住係亢奮少少，但你都係收返埋條動感超人底褲先啦好嗎？你望下後面，美冴已經著晒咁望住你喇……

資料來源：J SPORTS