日頭要返工，一出咗門口就分分鐘十幾個鐘之後先返到屋企，真係要好好珍惜同主子相處嘅時間呀！雖然主子個樣好鬼cool，不過奴才係唔會受到打擊㗎，奴才一樣都會用盡熱情，一返到屋企就同主子錫錫，仲要攬實佢一齊覺覺豬，增進感情！

主子～你去咗邊呀～奴才返嚟喇～

嘩！主子你冇事吖嘛！有冇浸親呀！人嚟，救駕呀！奴才即刻攞水抱救你呀！

唔係喎，睇真啲，主子舐舐脷咁，原來佢享用緊廁所水呀……奴才真係唔敢相信自己對眼……主子，點解你要咁傻，咁樣虐待自己呀！一日都係奴才冇用，服侍主子不周，先搞到你唔夠水飲！

主子個樣飲得咁滋味，姿勢又擺得咁穩，好明顯成日都喺廁所吸取養分啦，等奴才仲成日同你錫錫，唉，今次mola mola……喂！奴才，你仲掛住影，唔快啲幫主子洗白白？！

封面圖片、資料來源連結：Lyu Cheng Ling／貓咪也瘋狂俱樂部 CrazyCat club

同場加映：【絕望真相】日日對住主子又攬又錫 而家先知佢有咁嘅癖好！