老老竇竇，送999枝玫瑰畀女女係就係幾浪漫，不過價錢好乸貴之餘，買返嚟仲keep唔到幾耐呢！而且札花畀女女影完相放上網呃like就898喎，真係唔知係浪漫定浪費喇⋯⋯

嗱，送食得嘅花束就唔同呢！好似「炸雞花束」同「士多啤梨花束」呀咁，平得嚟又食得落肚，咁咪唔使驚浪費囉～

而最近，有台灣網民就教大家點樣自製「墨魚丸雞蛋花束」。

材料包括：雞蛋2隻，糖呢⋯⋯sorry係墨魚丸呢就8至10粒，另外仲有啲竹籤、錫紙、牛皮紙、膠紙同絲帶呀咁。準備好就可以開始㗎喇！

Step 1：喺墨魚丸上面?幾?（記住唔好?斷，同埋要小心唔好?親手）

Step 2：用中低油溫慢慢炸到啲墨魚丸變金黃色

完成墨魚丸部分，而家到雞蛋花部分。

Step 3：將蛋漿均勻地倒落平底鑊，等呢面煎熟之後再翻轉煎埋另外嗰面

Step 4：將煎好嘅蛋皮切開一半，然後齊口嗰面好似上圖咁放埋一齊。

Step 5：對摺，?斜紋，然後捲埋，再用牙籤固定！

Step 6：將長竹籤插喺每朵「花」嘅底部

Step 7：將花束用錫紙同牛皮紙包好，再綁埋絲帶蝴蝶結，咁就大功告成，可以送畀鍾意嘅人⋯⋯或者送畀自己㗎喇！55！

資料來源：dcard

延伸閱讀：

情人節識送定一送炸雞花

畢業禮拎住呢札花影相先型㗎嘛！