毛毛作為一條毒L，M巾就未用過㗎喇，不過M巾廣告都睇唔少嘅，成日都影住有隻手倒杯藍色水落兩塊巾度，比較下邊個牌子吸水力強啲㗎嘛！多得呢啲廣告，搞到毛毛細個以為女仔嚟M即係會流啲藍色水出嚟囉……如果以前見到嘅係呢塊M巾，可能仲會醒目到以為啲M係九彩㗎?呀！（不過而家大個仔，梗係知冇可能係藍色啦，你估外星人咩！）

嘩，邊位小姐跌咗塊九彩M巾出嚟呀？人哋話經血可以反映身體狀況，建議你都係睇睇醫生好啲喎……傻啦，其實呢塊唔係一般M巾，而係考DSE VA科嘅好戰友！有位同學仔話佢考VA科嘅時候，就係用佢嚟代替紙巾索水㗎喇，畫畫下洗一洗支畫筆上面嘅顏料，喺M巾度揩兩揩，咪又可以再點過第二隻色囉，既方便又快捷呀喂！

真係估唔到原來M巾嘅吸水力強成咁㗎，唔怪得咁多車主都要幫二奶黐滿M巾啦，落雨不怕落雪也不怕吖嘛，55！

封面圖片、資料來源連結： 名校 Secrets