眾所9知，唔少男性角色都係由女coser cosplay出嚟嘅。不過男人同女人嘅身形咁大分別，女人個膊頭都冇男人咁橫（好似係），如果女coser想cosplay男性角色嘅話，可以點樣裝個假狗膊頭出嚟呢？

最近，有日本coser就同大家分享咗一個簡單快捷兼低成本嘅裝假狗大法！

呢位日本coser教落，只要你將隻紙杯嘅曲面cut走一半，再將佢固定喺膊頭度，咁你就可以同A字膊講898喇～用兩隻紙杯就可以裝到膊頭假狗，又幾方便啵！

（假如你係cosplay楊過嘅話，用一隻紙杯就得?，55。）

大家睇埋呢位日本coser嘅前後對比圖，效果係咪好出呢？

專業嘅coser就真係專業嘅coser，連膊頭呢啲咁細微嘅位都留意到，認真係勁嘅！吖話時話，唔知男coser想cos女性角色又有啲咩秘訣令自己個膊頭冇咁橫，睇落似女人多啲呢？

ズボラなレイヤーの紙コップ肩パッド！！！これだけでオス感出るので男装の時に超オススメです！合わせ当日に肩パッド忘れてもコンビニとかで気軽に調達できるよ！(笑)#レイヤーのオススメ商品プレゼン大会 pic.twitter.com/bzj5kp2aLS

— 類??( ´◜◡◝` ) ?? (@louistill3) 2017年4月7日

資料來源：louistill3／twitter