臨近復活節，唔少麵包店或者便利店都會推出相關嘅食品嚟應節。

好似日本7仔咁，最近佢哋就食住個勢，推出咗雞仔造型蛋糕同兔仔造型蛋糕，實行用cute爆動物造型嚟俘虜一眾少女嘅心！喂，咁得意嘅造型蛋糕一件都只係賣328円（大約港幣23蚊），你唔係唔買下話？

有日本網民就畀呢兩款造型蛋糕萌到，仲一次過買晒兩款蛋糕做飯後甜品?！不過蛋糕有兩件，而人就得一個，兩款蛋糕都想食但自己一條友又食唔晒，咁點做好呀？

哦，好簡單啫，每件食一半，然後再將剩返嗰半件蛋糕合體咪得囉！家陣件蛋糕成件合成獸造型蛋糕咁樣樣，唔講仲以為日本7仔真係出咗個合成獸造型蛋糕，分分鐘拎去請fd子食都冇人懷疑件蛋糕係食剩呀（應該係，除非唔係）！

btw，又話說好不提嘅，點解而家又提返起毛毛啲童年陰影㗎⋯⋯

なかなか可愛いキメラこしらえてしまった pic.twitter.com/5zJef8wjLb

— 勇歩 (@yuhonium61) 2017年4月10日

資料來源：Seven-Eleven Japan、yuhonium61／twitter

延伸閱讀：

【安已不】叮噹竟然同咗佢最驚嘅老鼠合體

【叫咩名好】連Pokemon都有合成獸？