大家仲記唔記得以前買外賣壽司嗰陣，外賣盒入面一定會有幾支用魚形膠樽裝住嘅豉油呀？毛毛次次見到呢啲魚仔樽豉油都覺得佢哋好cute cute㗎！可惜吖，而家隨外賣附送嘅豉油絕大部份都係就咁用膠袋包裝，呢啲造型咁可愛嘅魚仔樽豉油已經買少見少嚕⋯⋯

好彩，為咗照顧一眾同毛毛一樣咁鍾意呢個包裝嘅顧客，早前日本就推出咗呢個魚仔水樽！大家睇下，只要你倒啲可樂或者黑烏龍茶落去，咁就會十足十成支大支裝魚仔樽豉油咁㗎喇！

咦咪住先，呢支又係咩嚟㗎？乜最近日本又推出咗魚仔樽嘅新產品咩？唔通魚仔樽豉油嘅生產商知道好多人同毛毛一樣好鍾意呢個包裝，所以就索性出支大支裝魚仔樽豉油？喂，係就正呀喂！

嗯嗯，原來又係一個美麗嘅誤會⋯⋯

雖然呢支嘢個樣十足十大支裝嘅魚仔樽豉油咁，但其實呢支係一位日本網民喺超市買返嚟嘅意大利紅酒嚟㗎！嗱，唔信大家睇下嘞，上網都可以買到呢支豉油⋯⋯呀唔係，係呢支紅酒㗎！

近所のスーパーで買ったイタリアのワインなんだけど、なんだろう…ワインじゃないものが入ってるように見える。 pic.twitter.com/jDPTLUkIJb

— 山﨑 理 (@ymzkosm) 2017年4月11日

資料來源：ymzkosm／twitter、ehara、amazon