由細到大，媽咪都會教我哋唔可以玩食物啦，農夫好辛苦先可以種到啲米呀魚呀豬呀牛呀出嚟㗎嘛！不過如果有神之手可以利用食物當係新嘅材料做創作，又真係幾勁嘅～最近日本twitter就有唔少網民瘋狂些牙呢幾張作品喇，一齊睇下～

係藪貓呀喵！呢期最hit係你啦《動物朋友》，意粉隻色同藪貓又真係幾襯啵，對眼大仲似足藪貓咁kawaii，整幾得咁鬼似，叫人邊捨得食呀？

平時食嘅時候，想用叉慢慢捲到啲意粉一團團都已經唔容易整得靚啦，而家仲要整到咁仔細嘅人樣，有埋神緒，真係高手高手高高手呀！唔知啲意粉係咪煮完過咗冷河，辟咗陣鹼水味所以可塑性高啲呢？

咦，呢位咁熟口面嘅，咪係……受萬千少男景仰嘅野獸先輩？！用千千萬萬條又幼又長嘅意粉嚟整佢個樣，好似唔多襯囉，識用梗係用長通粉先代表到佢㗎嘛！Btw，唔知點解硬係覺得呢兜野獸先輩意粉應該會用白汁煮，你哋有冇同感呀？

傻豬嚟嘅，係咪畀呢幾張咁像真嘅意粉相呃晒呢？其實係用一個叫Ostagram嘅網站整㗎，佢可以幫你將兩張相完美結合，咁就人人都可以係PS大神啦！爾康呀爾康，呢度冇人玩食物呀，你可以唞唞先喇～

24歳、製麺です pic.twitter.com/Xeu7V6DVm3

— しやんぴ (@ShamPyy_) May 4, 2017

封面圖片、資料來源連結： StandByMe9999／twitter、RKcz5WRvPTNP9rq／twitter、ShamPyy_／twitter、Ostagram