「阿媽─我返嚟喇！我對拖鞋呢！」

「阿媽─食得飯未呀！」

「阿媽─個熱水爐唔熱嘅？！」

屋企事無大小，無論搵唔到對襪（明明應該自己執）定盒牛奶飲晒（擺明即係叫阿媽買），我哋都一定第一時間大叫阿媽嘅，點解？因為覺得阿媽夠晒細心，全屋嘅嘢佢都無微不至咁看實晒吖嘛！不過原來再細心嘅阿媽，都有走漏眼嘅一日㗎！

咦，呢個咪金仔？！好耐冇見喇啵，肥咗又瘦咗，型咗威咗仲疊馬咗?！掛咁大幅金仔像喺牆上面，唔通呢個係一個北韓家庭嚟？

原來呢個唔係一個關於北韓人民有幾敬重金仔嘅故事，而係一個死仔包點樣整蠱阿媽嘅故事至真……話說阿仔有日食飽飯冇sss屙，於是將屋企幅牆上面張相換咗就世紀美男金仔，點知阿媽過咗足足兩個禮拜咁耐都仲未發覺囉！定係阿媽覺得金仔個樣夠晒威嚴，擺喺屋企驅邪都唔錯，所以先唔出聲咋？

金仔咁受全宇宙歡迎，呢次又點會係佢第一次畀人擺上牆呢？之前都試過有網民偷偷地將FD子屋企嘅相換咗做金仔㗎喇，仲要成四個月都冇人發現?！相信好快全世界都係屬於金仔㗎喇，你仲唔嗱嗱聲check下銀包入面個南韓oppa變咗北韓金仔？

My brother's changed his photo on the staircase to Kim Jong-un and my mum still hasn't noticed after 2 weeks pic.twitter.com/0zuR0Kuh9x

— Jake (@Slatez_) May 5, 2017

封面圖片、資料來源連結：Slatez_／twitter

同場加映：【整蠱專家】家姐3日都仲未發現我將金魚換咗做紅蘿蔔呀